Fiorentia është shtëpi botuese me seli në Shkodër, e themeluar me bindjen se libri nuk është thjesht objekt, por dëshmi e gjallë e kulturës, mendimit dhe shpirtit të një kombi. Prej më shumë se dy dekadash e gjysmë, ajo përpiqet të mbajë gjallë shkëndijën e librit mes dashamirësve të tij.

Katalogu i Fiorentias shtrihet nga shqipërimet e veprave të mëdha të letërsisë botërore, përfaqësuar nga Dante Alighieri, Victor Hugo, Gustave Flaubert, Friedrich Nietzsche, Fernando Pessoa, E. M. Cioran, Guy Debord e deri tek proza, poezia dhe studimet origjinale shqipe.

Shtëpia jonë është gjithashtu streha e revistave letrare si G&G, Pena e Shkodrës dhe Gegënia — tribuna që i japin zë krijimtarisë bashkëkohore shqipe në prozë, poezi, ese, filozofi dhe përkthim. Në bashkëpunim të ngushtë me "Furra e Books", katalogu pasurohet vazhdimisht me vepra që shërbejnë si ura mes traditës dhe modernitetit.

Nga studimet arkeologjike e historike, deri te letërsia për fëmijë, nga publicistika e angazhuar deri te meditimet shpirtërore, çdo titull i Fiorentias mban vulën e kujdesit për detajin, bukurinë e dizajnit dhe respektin për fjalën e shkruar. Sepse ne besojmë thellësisht se librat janë trashëgimia jonë më e çmuar dhe misioni ynë është t'i ruajmë, t'i pasurojmë dhe t'i përcjellim brezave që vijnë.